تبلیغات
کلهرشناسی - «كه‌م به‌و، كه‌م بچوو»

سه رپیل گه‌وهه‌ر گه‌رمه‌سێره

«كه‌م به‌و، كه‌م بچوو»

نویسنده :علی
تاریخ:چهارشنبه 14 خرداد 1393-10:49 ق.ظ

كه‌م به‌و، كه‌م بچوو وه‌ی كویچه‌مانه

كه‌م سه‌ر بشیون وه‌ی خوار و بانه

ئاگر نایده‌سه‌و گیان ده‌روه‌چه‌یل

خه‌ڕگ نایده بان شانِ ده‌روه‌چه‌یل

هاتی داره‌گان وه ڕێ ده‌ر كردی

هه‌ر چی ده‌روه‌چه ده‌س وه سه‌ر كردی

هه‌ر ماڵیگ بیه‌سه هزار چه‌و ئه‌راد

ئی هه‌مكه‌ی چه‌وه نه‌یرن خه‌و ئه‌راد

هه‌فت شه‌و هه‌فت رووژه كه‌س نه‌خه‌فتیه

شه‌و هه‌ساره‌یلی هه‌ڵنه‌گردیه

داره‌یل وه خوه‌شی شه‌وی كه‌نه وه‌رد

گه‌ڵا ڕشنن وه بانِ سه‌رد

تو ناز نازار كام ده‌یشت و شاری

تو چه‌و كاڵه‌گه‌ی كامین ده‌واری

مانگ و مانگه‌شه‌و هه‌ر دگی خوه‌دی

رووشنایه‌گَه‌ی زندگی خوه‌دی

ملوانك وه‌ مل، پرشه پرشِ نویر

نزیك نزیك، دویر دویر دویر

ئه‌زیز خاس  خودای بانِ سه‌ر

كه‌وكه چاخه‌گه‌ی قه‌ی كویه و كه‌مه‌ر

تو خوه‌ری، تو مانگ، تو هه‌ساره‌گان

تا نه‌مردیمنه بنووڕه پیمان

تو خو هه‌م باخی هه‌م خاون باخی

وه ناو ئی هه‌مكه هه‌ر تو وجاخی

هه‌ر یه‌ی پِرویشه وه لامان بنیش

خوه‌ر تیژیگه وه سامان بنیش

په‌لِ گوڵوه‌نید چه خوه‌ش تیه‌ێد و چوود

چه‌و ئه‌رمه‌نید چه خوه‌ش تیه‌ێد و چوود

وه‌ی وشكه ده‌یشته تو سه‌وز سه‌وزی

سێف و هه‌نار و باێه‌م و مه‌وزی

شه‌و وه‌ باوشد چه‌وی چووده خه‌و

رووژ وه‌ لای تنه‌و رووشن بوودنه‌و

ئه‌وقه‌ره به‌رزید هه‌ر دیار نیید

خوه‌زیا بزانم زه‌ڕینه‌ی كیید

كومه نویره‌گه‌ی شه‌و رووشنه‌وكه‌ر

رووشن تره‌ك وه هزار و یه‌ی خوه‌ر

تو را وه‌ خودا و ئی ئاسمانه

كه‌م به‌و و بچوو وه‌ی كویچه‌مانه



ڕزا جه‌مشیدی



نوع مطلب : شعر کردی کلهری 

داغ کن - کلوب دات کام
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.