تبلیغات
کلهرشناسی - ماڵ دووس

سه رپیل گه‌وهه‌ر گه‌رمه‌سێره

ماڵ دووس

نویسنده :علی
تاریخ:جمعه 1 آذر 1392-06:30 ب.ظ

 

رێوار

پیره‌‌ ڕیچه‌‌رمێ كه‌‌پوو!

ماڵ یاران ها له‌‌ كوو؟

گه‌‌وره‌ ده‌رگاێ به‌‌رز دیواخان واران ها له‌‌ كوو؟

هه‌‌ر كه‌‌ دوینم ده‌م وه‌‌ گلیه‌‌ى؛

هه‌‌ر كه‌‌ دوینم ده‌م وه‌‌ ئازاى؛

هه‌‌ر یه‌‌ ئویشم،

هه‌‌ر یه‌‌ پرسم،

دڵ نه‌‌ ڕێوار شه‌‌واره‌‌و هامێار ڕووزێار

دڵ نه‌‌ فكر خواردن و خه‌‌فتن نه‌‌ ها فكر وه‌هار

 

چه‌‌و، ...

چه‌‌و به‌‌زێ ساتێ تماشاێ یار خوه‌‌ش دیمه‌‌ن بویه‌‌

كه‌‌س نیه‌‌كه‌‌ێ هاوردن خه‌‌وه‌‌ر، بنچینه‌‌‌واێ ژین و ژیانن ها له‌‌ كوو؟!

كه‌‌س نیه‌‌كه‌‌ێ هاوردن خه‌‌وه‌‌ر،

دڵ كوو له‌‌ ده‌سڕه‌شته‌‌ێ خوداود،

له‌ تێفكرین ئاێه‌‌م جێ خرافات ها له‌‌ كوو؟!

كه‌‌س نیه‌‌كه‌‌ێ هاوردن خه‌‌وه‌‌ر،

شه‌‌و ها له‌‌ كوو؟

ڕووژ ها له‌‌ كوو؟!

دڵ په‌‌شێوه‌‌و دڵ مه‌‌زان، تا ماڵ ڕووژان ها له‌‌ كوو؟

كه‌‌س وه‌‌ فكر دڵ نیه‌‌و دڵ ها منه‌‌ى ئاخر كه‌‌سێ

دڵ ها له‌‌و شوون گش كه‌‌سێ

پیره‌ ڕیچه‌‌رمێ كه‌‌پوو!

ماڵ یاران ها له‌‌ كوو؟

به‌‌و بنیش و گه‌‌پ بێه‌‌:

ئێ ده‌فه‌ دى له‌‌و هنازى‌ گه‌‌پ بێه‌‌ كه‌‌س نه‌‌ى وه‌‌ چه‌‌و

ماڵ دووس هووز واران ماڵ یاران ماڵ ڕووژان ها له‌‌ كوو؟

وه‌‌ت: له‌‌ هه‌‌ر كووره‌‌ مرادد گرتن ئه‌‌وره‌‌ ماڵ دووس و ئاشناس!

ئه‌وره‌‌ ده‌ریاس!

ئه‌‌وره‌‌ ده‌رگاێ ماڵ گه‌‌ورا ئاشناس!

ئه‌‌وره‌‌ میلكان كه‌‌ریم بێ وه‌‌ناس!

ئه‌‌وره‌‌ ده‌رگاێ كردگاره‌‌،

ئه‌وره‌‌ خێڵ خانه‌‌ێ خوداس!



نوع مطلب : شعر کردی کلهری 

داغ کن - کلوب دات کام
نظرات() 
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر
نظرات پس از تایید نشان داده خواهند شد.